Niejs

Prins Marcel I - 2020

Op unne gezellig drökke Horsterwaegbal is prins Marcel I met zien adjudante Patrick en John oètgeroope as 67e trio van d'n Duikelaer.

Geej kint os nieje trio komme felicitere tiedes de Prinsereceptie op zondaag 16 fibberwari vanaaf 15.00 oor beej Fieëszaal de Waeg.

trio

Met dit trio zien de rolle dit jaor dus flink daor elkaar gehaold.
Peter Lamberts zal ut trio beejstaon as interim-Vors en Jeroen de Voogd as interim-Sirremoniemeister.

trio

Jeugprinses 2020 Marlon I

As 50e jeugtrio is zondaag 9 fibberwari oètgeroope prinses Marlon I met adjudante Imke en Julie. Zeej hebbe unne kei leuke middaag gehad in Fieëszaal de Waeg.

trio

trio

 

Duikelaer wint (alweer) Vastelaovesgeis -2019

Buut2019

Buut2019

Prins Sjaak IV - 2019

trio 2019

Op unne drök bezochte en erg gezellige Horsterwaegbal is Sjaak Baetsen oètgeroope as jubileumprins beej d'n Duikelaer. Hae wuuert beejgestaon door 2 echte vastelaovesvrinde Piet Hendrix en Henk Gerrits.

Met dit Biëstig Gooije dreejspan geit d'n Duikelaer ut 6x11 jaörig jubileumjaor in.

Jeugprins Max I - 2019

Buut2019

Tiedes de jeugmiddaag op 17 fibberwari is Max Huibers oètgeroope as 49e jeugprins van J.C.V. d'n Duikelaer.

Hae wuuert beejgestaon door adjudante Wouter en Ties.
Saame hebbe zeej d'r unne keigezellige middaag van gemak.

 

1e Priès in optoch 2018
"d'n Duikelaer zet alles op de kop"

Veur de 2e kièr op rièj haet d'n Duikelaer in de Bliërickse optoch de 1e priès gewonne.
Dit jaor zat d'n Duikelaer letterlijk alles op de kop met lachspeegels, en un bus van Arriva met op de kop os eige trio achter ut stuur.

Trio 2018

Trio 2018

Trio 2018

Op zaoterdaag 27 jannewari is tiedes de Horsterwaegbal ut trio van 2018 oètgeroope.
Prins Rob I (Blok) en adjudante Paul (Coppus) & Paul (Smits) zette d'n Horsterweag tiedes de vastelaovend op de kop.

Jeugtrio 2018

Op zondaag 28 jannewari is tiedes de Jeugmiddaag ut jeugtrio van 2018 oètgeroope.

Prinses Ilse I en adjudante Marlon & Julie gaon dit jaor
beej de jeug veurop!

Optoch 2015

In de Optoch van de wortelepin waas d'n Duikelaer present onder ut motto: "Kiek ens heej, de Fata Morgana's komme veurbeej". Heej hebbe weej d'n 2e pries beej de Waages gewonne.

optoch 2015

optoch 2015

Trio 2015

Zaoterdaag 31 jannerwari is tiedes unne gezellige en drök bezochte Horsterwaegbal ut 62e trio van CV d'n Duikelaer oètgeroope.

Prins Harold I Smetsers met zien adjudante Marcel Kersten en Rob Blok gaon deze vastelaovend beej os veurop.

Buutaovend 2015

De Buutaovend op vriedaag 16 jannewari waas weer un geweldig sukses!
Geweldige artieste en unne volle zaal met enthousiast publiek waas garantie veur ein super stumming en vuuel lache.

Weej wille de organisatie, alle vreejwilligers en netuurlik os sponsors van herte bedanke!

Duikelaer viert fiës in optoch 2014

Umdet de Jeugcarnavalsvereiniging d'n Duikelaer 4 x 11 jaor besteit, haet CV d'n Duikelaer in de optoch van Bliërick ein fiës gevierd. In discostièl trok de waage en groep door de straote van Bliërick.

optoch 2014

Peter Lamberts 61e prins CV d'n Duikelaer

Zaoterdaag 15 fibberwari 2014 is op de Horsterwaegbal Peter Lamberts oètgeroope as prins Peter I van CV d'n Duikelaer. Hae wuuert beejgestaon door adjudante John Lamberts en Chris Tomassen.

vollig os op twitter

C.V. d'n Duikelaer op Expositie 'Vastelaovend in Groët-Venlo'

As altste buurtcarnavalsvereiniging van Groët Venlo is C.V. d'n Duikelaer netuurlik aanwezig op dees expositie van Stichting Limburgs Carnavals Museum. De expositie is vanaaf 18 jannewari 6 waeke lang gratis te bezeuke in de stadsbibliotheek.
laes auk beejgaond persberich

Duikelaer prominent in optoch Bliërick 2013

Zoeëas idder jaor waas d'n Duikelaer present in de optoch van de Wortelepin in Bliërick. Onder ut motto "Ger Nellen is d'r mei gekap" vraoge 100 Duikelaers met erg lange haor of Ger ze nog eine kiër woeël knippe, maar det woeël Ger neet: hae is ech gekap!

Auk veur ut trio van de Wortelepin mak Ger gen oètzondering!

vollig os op twitter

Duikelaer in optoch Holt-Bliërick

Umdet de Poerker dit jaor jubileum had, is d'n Duikelaer auk in de optoch van Holt-Bliërick meigelaupe. Onder ut motto "D'n Duikelaer geit oet zien daak", leet de Duikelaer de minse in Holt-Bliërick geneete van alde vastelaovesliedjes in moderne klanke.

vollig os op twitter

René Janssen nieje prins CV d'n Duikelaer

vollig os op twitter

Op d'n Horsterwaegbal René Janssen oètgeroope tot 60e prins van CV d'n Duikelaer. Same met vastelaovendvrinde Marc Nissen en Marc op het Veld gaon zeej de vastelaovend veurop beej d'n Duikelaer.

Ut waas waer eine gezellige en joeksige Horsterwaegbal met geweldige remmidemmi van Joekskepel "Och nae toch" en DJ Paul Knorr.
Auk waas zoëas gebroèkelik ut gezelschap van de Wortelepin op bezeuk, wat dit jaor extra speciaal waas umdet ozze Vors beej eur adjudant is!


Vors Duikelarius adjudant beej Wortelepin

Gisteraovend is op ut Swaree prins Bart I met zien adjudante Reno en Dennis oètgeroope. Dae letste is neemus minder dan ozze Vors Duikelarius en ald prins Dennis I.
CV d'n Duikelaer winst dit Hoëglöstig trio hiël vuuël plezeer in de kommende vastelaovend!

 

Halfvaste 2012

Nao de Halfvastevergaadering van 17 maart waas d’r ein moeëje aktiviteit met nationale en internationale artieste.
Ut hooëgtepunt van de aovend waas ut optraeje van de Toppers met ut liedje Shine.

trio

Optoch 2012

D'n Duikelaer haet in de Groete Optoch van Bliërick d'n 3e priës gewonne met de kreasie: Vastelaovend 2.0 - de kiët vol, de kroeg laeg!

Kiek op ózze fotopagina veur de foto's

Trio 2012

Op zaoterdaag 4 fibberwari is tiedes de Horsterweagbal ut nieje trio
van d'n Duikelaer oètgeroope: Prins Patrick I (Nissen)
met zien adjudante Paul (Holla) en Marcel (Kersten)

Zeej halde receptie op zondaag 12 fibberwari vanaaf 15.00 oor in Fiëszaal de Waeg op de Horsterwaeg

trio

 

Buutaovend 2012

Ôzze Buutaovend waas weer ein groeët sukses! Unne volle zaal, un geweldige sfeer en optraejes waorbeej de lachspiere gén pauze hadde.

 

Inscheete van de Vastelaovend in Holt-Bliërick

De 11e van de 11e geit d'n Duikelaer waer de Vastelaovend inscheete, dit jaor doon weej det same met CV de Poerker in Holt-Bliërick.

Ût trio van d'n Duikelaer van aafgelaupe jaor met de Raod van Elluf, Dansmerietjes, Vors en Sirremoniemeister zulle beej dit inscheete aanwezig zien.
Prins Ruud I zal daor ein van de 11 scheut losse, waormei ’t seizoen veur geäöpend wuurt verklaord.

 

D'n Opstaeker 2012

Vanaaf de 11e van de 11e is auk beej CV d’n Duikelaer d'n Opstaeker 2012 te verkriege. Door op ein van ôs aktiviteite d'n Opstaeker te kaupe steunt geej auk ôs vereiniging.

D'n Opstaeker 2012 is ûn óntwerp van Har van der Linden

 

d'n Duikelaer beste vastelaovesvereining
van Groët-Bliërick!
(in elk geval met volleye)

Zóndaag 5 juni waas 't weer tièd veur de Veer VastelaovesVereiniginge Aktiviteit.

Op de sportvelden van HBSV in Holt-Bliërick speulde in totaal 10 teams van
de 4 vastelaovesvereiniginge (Wortelepin, Poerker, Worteleschrabbers en netuurlik d'n Duikelaer) 'n Volleybaltoernooi.
Inzet waas allerièrs met zien alle auk boète 't vastelaovesseizoen vuuël
plezeer belaeve, maar zeker auk de felbegeerde wisselbaeker.

D'n Duikelaer waas sterk vertegewoordig met 3 volleybalteams en diverse supporters.

Team 2 van d'n Duikelaer wón alle poulwedstrijde en wis auk in de finale
team 1 van de Wortelepin te verslaon en zoeë dit toernooi te winne.

Nao ut letste fluitsignaal waas ut tièd veur ein heerlik hepke en verschillende drenkskes en kreeg team 2 van d'n Duikelaer de Wisselbaeker oètgereik.

Sjaak Francken haet vuuël foto's gemak van deezen daag, kiek maar ens op:
http://www.franckenfotografie.nl/foto/2011vvvv

 

2e priës in Optoch Bliërick 2011

D'n Duikelaer haet in de Groete Optoch van Bliërick d'n 2e priës gewonne beej de Wages, met de kreasie: VVV euver de brök, de Horsterwaeg te drök.

kiek veur filmpkes en foto's van d'n optoch op ózze fotopagina

Trio 2011

Op zaoterdaag 19 fibberwari is tiedes eine keigezellige Horsterwaegbal Ruud Rouleaux oétgeroope as prins Ruud I, same met zien
adjudante Piet Hendrix en Robert Baetsen.

Ut motto van dit trio is:

Op den Horsterwaeg, van groët Boller wies aan de Maas,
Op eine schoëne Vastelaovend, huffe weej ut glaas !!!!

 

Buutaovend 2011 oetverkoch!

Alle entreekaarte veur de Buutaovend zien oetverkoch!

Op vriedaag 21 jannewari is ût waer tiëd veur ôzze Buutaovend
Ût programma begint ûm 20.11 oor, de zaal is al ûm 19.00 oor aope

Nao d’n ziër drök bezochte Buutaovond van vurrig joar hebbe weej beslaote det weej de entreekaarte dit jaor in de veurverkoup goan doon.
Op dees manier kinne weej idderein ein gooje plaats beeje op de Buutaovend, zoёdet weej neemand teleur haove te stelle.

Inschete van de Vastelaovend

De 11e van de 11e geit d'n Duikelaer waer de vastelaovend inschete, dit jaor doon weej det same met de Wortelepin en Stamtaofel de Waerbörstels beej Sur Meuse in Bliërick

Prins Herman III van aafgelaupe jaor zal daor ein van de 11 scheut losse aan de Maas, waormei ’t seizoen veur geäöpend wuurt verklaord

Ût programma begint ûm 19.00 oor

D'n Opstaeker 2011

Vanaaf de 11e van de 11e is beej d’n Duikelaer auk d’n Opstaeker te verkriege. Door op ein van ôs aktiviteiten d'n Opstaeker te kaupe steunt geej ôs vereiniging

D'n Opstaeker 2011 is ûn óntwerp van Sjaak Smetsers

D'n Duikelaer naor de Duukelaar

D'n Duikelaer haet met Halfvaste eine schitterende daag gehad in Franeker en Sneek met Carnavalsvereniging De Oeletoeters oèt Sneek.

Kièk maar ens beej de foto's!

duukelaar wuuërt duikelaer

2e Priës in d'n optoch veur d'n Duikelaer

D'n Duikelaer waas weer present in d'n optoch van Bliërick,
met "De blikvanger van Bliërick"
Ein geweldige kreatie waorbeej tiëdes d'n optoch ût standbeeld van de centaur op diverse maniere verder woordt aafgemak

Klik heej of heej veur ein fillemkes van d'n Optoch
klik heej of op ózze fotopagina veur ein aantal foto's van d'n Optoch

Zaoterdaag 30 jannewarie 2010

D'n Duikelaer haet eine nieje prins!
Prins Herman III met Adjudant Sjaak en Adjudant Theo

trio 2010

 

9 december 2009

Buutaovend

Carnavalsvereiniging d’n Duikelaer presenteert op vriedaag 15 jannewarie 2010
d’n jaorlikse Buutaovend.

Met diverse optreejes van o.a. He... Sjapa!, de Toddezèk en diverse andere artieste oët de regio, ût aaftreeje van prins Marc II én de verkiezing van de Schlager van d’n Horsterwaeg 2010.

Kom dus auk naor deze fantastische aovend beej Feestzaal “de Waeg”
op de Horsterwaeg in Bliërick.

Ût programma begint ûm 20.11 oor, de deure zien vanaaf 19.00 oor aope.
Entree 10 euro, onder 16 jaor genne toegang.

Names de organisatie geer tot 15 jannewarie !!

11 november 2009

D'n Opstaeker 2010

Ein traditie sinds ein paar jaor in de groét Venlose Vastelaovend is d’n Opstaeker. Vanaaf dit jaor is d’n Opstaeker auk beej d’n Duikelaer te verkriege.
Door op ein van ôs activiteiten d'n Opstaeker te kaupe steunt geej ôs vereiniging! Vanaaf de 11e v/d 11e is d'n Opstaeker te kaup veur € 5,00! 

De Bliërickse kunstenares Gerda van der Sterren haet veur de kómmende Vastelaovend ‘d’n Opstaeker 2010’ óntworpe. Oët ‘n aantal ideje hebbe de Wortelepin, Jocus, d’n Oeles en de Belhamels ’t óëtintelike óntwerp gekaoze.
‘t Is ‘n brök met 5 belónne. De letste belón stelt de gemeinte Arcen en Velden veur met de dörpskern Lomm die richting Venlo kómme.

D’n Opstaeker is ‘n soort broche dae steit veur ‘n dreejtal zake: ‘n bliek van waardering veur de vuuële vreejwilligers die allerlei Vastelaovesactiviteite organisere in Bliërick, Venlo, Tegelen en Belfeld; ‘n bliek van betrokkeheid beej de Vastelaovend en ’nne financiële opstaeker voor de Vastelaovesvereniginge. De veer stadsdeilvereiniginge van de gemeinte Venlo haope det de inwoëners, net as veurgaonde jaore, weer massaal dees Vastelaovesbroche zulle koupe um daomei de Vastelaovesactiviteite van dees Vereiniginge te óndersteune.

Gerda van der Sterren druuëg de Vastelaovend ‘n werm hart toe. ‘’t Is ‘n uting van creativiteit op allerlei gebied’. De Bliërickse aquarelliste, det jaorelang veur de klas haet gestaon, is min of miër autodidact. “Ik heb altiëd geschilderd en natuurlik heb ik verschillende cursussen gehad. As ik ‘n opdracht kriëg, laef ik mich in ‘n bepaolde situatie hiëlemaol in”. De Bliërickse kunstenares schildert zoëwaal abstract as natuurgetrouw.

7 fibberwarie 2009

D'n Duikelaer haet eine nieje prins!

Prins Marc II
Adjudant Patrick en Adjudant Dennis